D'Geheimnis vum Schlass: en Theaterstéck vum Gilles Hoffmann an der Regie vum Roland Meyer. De 29.3.99, den 30.3.99, den 31.3.99 an den 1.4.99
huet eise Grupp am ganzen 5 Mol dëst Theaterstéck virun insgesamt iwwer 1400 Zuschauer opgefouert.
	D'Liz an de Pol langweilen sech an der Vakanz doheem. Si decidéieren op d'Buerg spillen ze goen. Do fannen si an engem alen Tuerm en déiwe Schacht.
Den Dag drop klammen si déi éischte Kéier dat däischtert Lach erof.
	Ënnen ass et kal a naass, Gespenster bloossen hinnen d'Käerzen aus. Hier Eltere waarden emsoss op si, d'Kanner wärte nach esou bal net erem sinn.
Wat de Kanner alles geschidd, kënnt dir am Gilles Hoffmann séngem flotte Buch "D'Geheimnis vum Schlass" noliesen, dat bei den Editions SNE erauskomm ass.
	Wëll dëst d'Theaterstéck d'Nokuckerten déiw ënnert de Buedem féiere sollt, hu mir missen eng ganz komplizéiert Bühn opriichten. Mir hun dofir eng Stee opgebaut, déi bis ënnert den Daach vum Centre Culturel gereecht huet.
D'Schminken ass ëmmer eng flott Saach: déi eng Kanner si begeeschtert, déi aner haassen et!
	Dat si nawell zwee Aartlecher! Lénks de Gilles Hoffmann: Hien huet d'Stéck geschriwwen an sech em dat fantastescht Bühnebild gekëmmert. Riets de Roland Meyer: hien huet d'Regie gefouert, sech em d'Technik gekëmmert a fir d'Organisatioun gesourgt.
An hei gesi mir d'Coby bei der Aarbecht: hatt schminkt net nëmme, hatt ass och nach eise Maskottchen!
	Esou verdaddert wéi den alen Zauberer waren eis Nokuckerte net! Hinnen huet et all gutt gefall, an déi meescht hu versprach, dat nächst Joer nees ëremzekommen.
Dëst si net d'Massendénger beim Här Paschtouer, mee eis Gespenster, déi vum Roland Meyer nach lescht Uweisunge kréien.
	Hei fängt de Jacques geschwënn un, queesch ze ginn, wëll de Julien als Gespenst him ëmmer d'Käerz ausbléist.
An d'Myriam ass ganz trauereg, datt den Theater elo eriwwer ass!